【米埔鷺鳥林被包圍 諮詢期最後兩日！】

最近有私人發展商喺新田科技城旁一塊地皮，申請發展高達38米 (近十層高)「智慧」老人院，稱可以配合創科發展。但係申請地點正正同米埔鷺鳥繁殖重地有重壘。

呢個鷺鳥林係后海灣第五大嘅鷺鳥繁殖地，已經有超過20年繁殖記錄，具極高生態重要性。鷺鳥於繁殖期間，必須不斷來回鳥巢同后海灣濕地覓食育雛，所以要保護佢哋，除咗要維護鷺鳥林嘅環境，仲要確保佢哋嘅覓食地及飛行航道安全。

今次規劃申請一旦獲批，發展將會喺繁殖區內大量斬樹，而日後落成高達10層嘅建築物，將會進一步切斷繁殖鷺鳥來回濕地嘅廊道。

今次申請係新田科技城發展開展後首個私人發展申請。上年政府通過新田科技城發展，意味將來呢處繁殖嘅鷺鳥，恐怕會失去大面積魚塘覓食地，而申建嘅老人院再加上旁邊科技城營運期間帶嚟嘅視覺、噪音、人類干擾，咁龐大嘅累積影響，好可能令一個有咁長歷史嘅鷺鳥繁殖地消失。

把握最後兩日諮詢期，喺1月28日 (二)或之前：

查閱申請文件及網上提交意見：https://bit.ly/3Eauyfm
直接入信至城規會：Email住址會使用灌水程式保護機制。你需要啟動Javascript才能觀看它
提交意見截止日期：2025 年 1 月 28 日 (二) 晚上 11:59 分