絕跡香港十年、估計全球數量唔夠700隻嘅全球極度瀕危青頭潛鴨，舊年冬季驚喜重現新田魚塘！佢哋同全球瀕危黑臉琵鷺一樣，每年冬季由北方南遷渡冬，而位於新界西北嘅后海灣魚塘濕地，就成為佢哋覓食同棲息地嘅重要補給站～

然而，新田科技城發展對呢片極具生態價值嘅后海灣國際重要濕地，構成前所未有嘅威脅。儘管發展如箭在弦，我哋將堅守「濕地不能少」原則，持續 #監察濕地環境，並透過 #雀鳥研究 同 #生境管理，守護后海灣候鳥天堂。

環境監察為雀鳥發聲
新田科技城係30年來規模最大嘅濕地發展項目，過去我哋竭力以唔同形式守護新田濕地，包括舉辦傳媒考察團、環團聯合記招、媒體訪問，亦舉辦多場公眾參與活動，例如電影放映會、觀鳥考察團、城市規劃工作坊等，並喺社區小店擺放許願卡 ，讓新田議題進入社區。

雀鳥研究監測濕地質素
自2003年起，我哋每年都會統籌「黑臉琵鷺全球同步普查」，與全球合作長期監察黑臉琵鷺嘅渡冬族群嘅趨勢同狀態，以及監測各地濕地質素，為保育措施瀕危雀鳥棲息地提供重要科學根據。

生境管理保育棲息地
我哋積極與本地漁民同漁業持份者合作保育濕地，推動雀鳥棲息地保育，希望為雀鳥提供穩定嘅食物供應。現時參與魚塘保育計劃嘅養魚戶管理后海灣一帶超過600公頃魚塘。

想一齊守護后海濕魚塘濕地？立即捐款支持鳥會新界區賣旗日：https://bit.ly/3LSigZD