香港大學校園係本港其中一個已知嘅鳥撞玻璃黑點。感謝 Hong Kong Free Press 詳細跟進報道港大校園內外嘅鳥撞玻璃狀況，令更多人了解呢個議題。
港大鳥撞速報
由 2022 年至今，透過「全球鳥撞地圖」同鳥撞玻璃調查義工，一共喺港大記錄咗 18 宗個案，涉 14 隻鳥撞死傷個體同 4 個鳥撞拓印。2023 年，港大生態學及生物多樣性研究學部 Juha Merilä 教授嘅實驗室，開始全面調查校園內嘅鳥撞個案，據報短短兩年內就錄到超過 150 隻鳥撞雀鳥。
由 2022 年至今，透過「全球鳥撞地圖」同鳥撞玻璃調查義工，一共喺港大記錄咗 18 宗個案，涉 14 隻鳥撞死傷個體同 4 個鳥撞拓印。2023 年，港大生態學及生物多樣性研究學部 Juha Merilä 教授嘅實驗室，開始全面調查校園內嘅鳥撞個案，據報短短兩年內就錄到超過 150 隻鳥撞雀鳥。
措施實施近況
繼 2022 年我哋首次去信港大要求實施防鳥撞措施，到 2023 年 Merilä 嘅實驗室開展校園鳥撞玻璃嘅研究項目，唔同單位喺三年間不斷同校方溝通。直至近日終於收到好消息——港大工程人員喺百周年校園鳥撞黑點其中一塊玻璃張貼防鳥撞標記，據悉校方會喺審視效果後，會進一步推進其餘玻璃嘅改善措施。
Every lost life is a lost life
有人會問撞死幾多隻先叫黑點？係咪要撞咗瀕危雀鳥，我哋先需要正視？正如報道中 Juha Merilä 教授所講，「Every lost life is a lost life」。每隻雀鳥嘅生命都係獨特珍貴；每隻因鳥撞玻璃而逝去嘅雀鳥，都係無法挽回嘅損失。鳥撞玻璃，一隻都嫌多。我哋只希望雀鳥撞玻璃風險，減得一點得一點。
