【田鵐到訪河上鄉！】

雖然今季河上鄉環誌工作嚟到尾聲，但驚喜依然連連，團隊近日就成功環誌全球易危田鵐！

田鵐係香港罕見晚秋過境遷徙鳥，常見於種植稻米嘅農地，過往較多於 11 至 12 月間紀錄到。環誌團隊當日就觀察到一隻雄鳥喺樹上休息～

同其他鵐科雀鳥相比，田鵐眉紋粗而淡色，佢最明顯嘅辨別特徵係脇部鮮明嘅栗色縱紋，而頭頂羽毛時會豎起成短冠。繁殖期間，雄鳥為咗吸引雌鳥青睞，頭部會換上黑色羽毛，同白色嘅眉紋同喉部成強烈對比，非常搶眼。

田鵐於歐亞大陸北部繁殖，由於繁殖地生境受破壞，以及過境及度冬地過度捕獵等問題，早於2016 年被國際自然保護聯盟列為❗易危物種❗。

如果大家去農田觀鳥時，聽到尖銳而短促嘅褶褶聲，不妨留意吓有冇見到鵐科雀鳥嘅蹤影～

鵐科普查現正召集公民科學家，立即參與：https://bit.ly/3UEoukA

*據《野生動物保護條例》，任何人未經許可，不得捕捉或故意干擾任何野生雀鳥，否則即屬違法。我們的鳥類環誌員已獲得漁農自然護理署發出的特別許可證，並受過專業訓練，一切以雀鳥為先。

計劃︱河上鄉自然保育管理計劃
主辦︱長春社、香港觀鳥會
資助︱鄉郊保育資助計劃、鄉郊保育辦公室

#長春社 #香港觀鳥會 #禾花雀生態農社
#CCO / #CountrysideConservationOffice / #鄉郊保育辦公室 / #CCFS / #CountrysideConservationFundingScheme / #鄉郊保育資助計劃